Ek was my hele skoolloopbaan van Sub A tot matriek in Grey. Op laerskool het ek deelgeneem aan atletiek en rugby. Geen sportdeelname op hoërskool. Ná matriek was ek in die vloot vir 12 maande militêre opleiding.
My werkloopbaan: 45 jaar in bankwese en in die dieselfde groep (Volkskas ,Trust Bank en Absa), waar ek gevorder het tot Bestuurder Kredietinvordering/Natal Binneland.
Takke gewerk: Bloemfontein, Hillbrow, Pietermaritzburg, Ladysmith, Pinetown en Durban.
Ek was vir 14 jaar getroud en het twee kinders en ‘n kleinseun. Ek is reeds die afgelope 21 jaar ‘n alleenloper.
Sport in volwasse lewe: padwedlope (10 Comrades-marathons), diepsee-skubaduik (70 duike) en vryval-valskermspring (170 spronge met die hoogste sprong14 500 voet).